جاني حبيبي والفكر كان يطريه
وبفيض المشاعر اجتمع شمل خلان
يشره ويحسب خافقي اليوم ناسيه
مايدري اني للوصل دوم ولهان
ابطي وقلبي ينتظر حس مغليه
والجفن عقبه طول الايام سهران
ليتي بقربه ويسقي عروق ضاميه
ويروي بنضرة ود اشواق عطشان
بعطيه روحي والعمر كله يفديه
مااقدر اشوفه لحظه مني زعلان
بمسح دموعه وابعد هموم تبكيه
وثغره يشع بنور بسمات فرحان
يسكن فؤادي وانا بالحيل شاريه
ودام الضلوع تاقاه بيعيش فامان
طبعه الوفا وياليت ذا القلب يكفيه
ومن لامني في الحب لاشك غلطان
